ग्रामीण क्षेत्रका लागी सूचनामुलक सामाग्रीहरुको पोर्टलमा स्वागतम्।
यस ग्रामीण सूचना गेटवे नेपालका सम्पूर्ण ग्रामीण क्षेत्र र केन्द्र तहका ताजा सूचना र सन्देशहरु प्रस्तुत गर्नको निम्ति २०६५ मा विकाश गरिएको हो । यस पोर्टलको मुख्य उदेश्य भने ग्रामिण समुदायलाई लक्षित बिभिन्न बिषयका ज्ञानमुलक, सन्देशमुलक, शिक्षा तथा ब्यापार, ब्यवसाय तथा विज्ञान र प्रविधिका नविनतम शिक्षाप्रद बिषयबस्तुहरु सम्प्रेसन गरि इन्टरनेटको माध्यमबाट उपलब्ध गराउनुहो । यसबाट नेपालका ग्रामीण क्षेत्रमा वसोवास गर्ने व्यक्तिहरुलाई आवाश्यक पर्ने ई-सूचनाहरु एकै थलोबाट प्राप्त गर्न सकिन्छ । (फोटो: साना किसान सहकारी संथा प्रबन्धक, उत्तरगंगा, सुर्खेत, द्वारा कम्प्यूटर तालिम दिदै ।)
यस पोर्टलमा ग्रामीण समुदायहरुलाई उपयोगी हुने सेवाहरुको बारेमा जानकारी अधिकाम्स नेपाली र केही मात्रामा अग्रेंजी भाषामा उपलब्ध छ । ई-सूचनाको हकमा यस पोर्टलले कृषि, महिला विकाश तथा शसक्तिकरण, रोजगार, शिक्षा तथा स्वास्थ्य र सूचना तथा संचार प्रविधि बारे जानकारी गराउने छ। कृषि सम्बन्धमा यस पोर्टलले कालिमाटि (काठमाण्डौ), पोखरा र नारायणगढको मुख्य कृषि बजार भाउ दैनिक रुपमा जानकारी पनि गराउदछ । थप यस्ले देशमा स्थापित अन्य सूचना केन्द्रहरुका तथ्याङ्क पनि राख्दछ ।
प्रस्तुत गरीएको कृयाकलापले नेपालका ग्रामीण क्षेत्रका प्रयोगकर्ताहरुलाई प्रत्यक्ष असर पार्दछ । सशक्त सूचना एवं विषयवस्तुको आधार तथा अद्यावधीक गर्ने प्रणालीको अभावमा पोर्टलको उपयोगीता न्यून रहने गर्दछ । नेपालको विकासका क्रियाकलापमा संलग्न रहेका विभिन्न संगठनको एक आपसको सहयोग र सम्पर्कले पोर्टल मार्फत जनचेतना वृद्धि गर्न सघाउ पुग्नेछ । यसर्थ सूचना प्रवाह गरी ग्रामीण समुदायको ज्ञान वृद्धि गर्न आ-आफ्नो क्षेत्रबाट यस पोर्टल मार्फत उपयोगी विषयवस्तु उपलब्ध गराइ सहयोग गरिदिन हुन विनम्र अनुरोध गर्दै यस पोर्टलमा स्वागत गर्दछौं ।
SM Foundation र SeaGate Institute of Technology का प्रायोजकत्वामा संचालन हुने यो चौथो २ दिने गोष्ठी November १६ र १७ का दिन होटल अन्नपूर्ण मा समापन हुने छ । सुचना तथा संचार प्रविधिको प्रयोगबाट कसरी देश विकाश र शिक्षा प्रति प्रभाव पार्न सकिन्छ भन्ने मुख्य विषय वस्तु रहनेछ भने सुचना तथा संचार प्रविधिको सृजनात्मक विकाश र प्रयोग गरि कसरी प्रभावकारीतामा जोड दिन सकिनेछ भन्ने कुराको पनि छलफल गरिने छ । 
