समाचार र घटनाहरु

साप्ताहीक कृषि सम्बन्धि नि:शुल्क फोन (Toll-Free) अन्तर्क्रीया कार्यक्रम

 नेपाल कृषि प्रधान देश हो भन्ने कुरा हामी सबैलाई अवगत भएको कुरा हो तर पनि नेपालको स्थितिमा हेर्ने हो भने देशको कृषि क्षेत्रमा विकास ल्याउनको निम्ती प्रत्यक्ष रुपमा सञ्चालन हुने कार्यक्रमहरुको संख्यामा कमी छ। जसको फलस्वरुप कृषक वर्गहरुलाई कृषि सम्बन्धी सूचनाहरु पाउन कठिन भएको छ। यस्तो समस्याको समाधान गर्न कृषि विभागले कृषि क्षेत्रका विज्ञहरु भेलागरी “कृषि नि:शुल्क फोन (Toll-Free) अन्तर्क्रीया कार्यक्रम” असार ६ गते २०६५ बाट परीक्षणको रुपमा सञ्चालन र प्रसारण शुरु गरेको छ। यो साप्ताहिक कार्यक्रममा कृषकहरुको विभिन्न सूचनात्मक समस्याहरुको समाधान गर्ने र त्यस विषयको विश्तृत जानकारी दिने भएको हुँदा इच्छुक स्रोतागणहरुले कार्यक्रम प्रसारण भएको समयमा नि:शुल्क फोन गरी जिज्ञासा राख्न सक्नु हुनेछ। फोन नं. १६६००१९५००० ।